Прегледот на информациите кои треба да се објавуваат на веб-страниците, во наративна форма, како и во форма на отворени податоци (XLSX/CSV формат), направен e врз основа на законските надлежности на ЕЛС, и од обврските коишто произлегуваат од одделни закони да создаваат податоци, преку водење регистри и евиденции. Притоа земен е предвид и интересот на граѓаните/граѓанските организации за добивање одредени информации и податоци кои им се особено важни за обезбедување транспарентност и отчетност и за нивно вклучување во процесите на креирање политики на локално ниво, како и информациите за коишто граѓаните сметаат дека ќе им го олеснат пристапот до јавните услуги.